အမေရိကန်လက်ရွေးစင်အသင်းနည်းပြချုပ်မော်ရူစီယိုပိုချက်တီနိုကသူ့အနေနဲ့တော့တင်ဟမ်ဟော့စပါးဥက္ကဌဒန်နီရယ်လီဗိုင်းနဲ့အလွန်ကောင်းမွန်သောဆက်ဆံရေးရှိကြောင်းထုတ်ဖော်ပြောကြားလာခဲ့ပါတယ်။စပါးနည်းပြဟောင်းပိုချက်တီနိုက Sky Sports News နဲ့သီးသန့်တွေ့ဆုံခန်းမှာအခုလိုပြောဆိုလာခဲ့တာဖြစ်ပြီးတစ်နေ့မှာပရီးမီးယားလိဂ်ကလပ်ဟောင်းဆီပြန်လာလိုကြောင်းလည်းဝန်ခံသွားခဲ့ပါတယ်။ဒါ့အပြင်ပိုချက်တီနိုကအင်္ဂလန်နည်းပြဖြစ်လာဖို့သင့်တော်တဲ့အချိန်မဟုတ်ကြောင်းလည်းပြောကြားသွားခဲ့ပါသေးတယ်။ပိုချက်တီနိုရဲ့အမေရိကန်လက်ရွေးစင်အသင်းဟာကမ္ဘာ့ဖလားမတိုင်ခင်ပါနားမားနဲ့ကွန်ကာကပ်ဖ်နေးရှင်းလိဂ်ပွဲစဉ်ကစားရဖို့ရှိနေတာဖြစ်ပါတယ်။ဒီပွဲစဉ်မတိုင်ခင်ပိုချက်တီနိုကချဲလ်ဆီးကနေဘာကြောင့်ထွက်ခွာလာရသလဲဆိုတာတွေ၊လက်ရှိအမေရိကန်လက်ရွေးစင်အသင်းနဲ့အခြေအနေတွေကိုထုတ်ဖော်ပြောကြားသွားခဲ့တာပါ။
ပိုချက်တီနိုက “တစ်ခုခုအဆင်မပြေတဲ့အခါမှာရပ်လိုက်ပြီးမတူညီတဲ့အရာတွေကိုလုပ်ကြည့်တာကပိုကောင်းတယ်လို့ကျွန်တော်ထင်ပါတယ်၊ဒါကနှစ်ဖက်စလုံးအတွက်အကောင်းဆုံးဆုံးဖြတ်ချက်ဖြစ်တယ်လို့ကျွန်တော်ထင်ပါတယ်။”လို့ဆိုပါတယ်။ဒီလိုချဲလ်ဆီးကနေထွက်ခွာလာပြီးနော်ပိုချက်တီနိုကိုကလပ်အသင်းတွေနဲ့နိုင်ငံလက်ရွေးစင်အသင်းအများအပြားကကမ္ဘာ့ဖလားအတွက် ကမ်းလှမ်းမှုတွေပြုလုပ်ခဲ့ကြပါတယ်။ ဒါပေမယ့်အာဂျင်တီးနားသားရဲ့နောက်ဆုံးဆုံးဖြတ်ချက်ကတော့အမေရိကန်အသင်းရဲ့နည်းပြချုပ်ရာထူးသာဖြစ်ခဲ့ပါတယ်။
ပိုချက်တီနိုက“ခင်ဗျားတို့အတွက်နားလည်ဖို့လွယ်ကူတဲ့ကိစ္စမဟုတ်ဘူးဆိုတာသိပါတယ်။၂၀၂၆ကမ္ဘာ့ဖလားမှာအမေရိကန်ရဲ့နည်းပြဒါမှမဟုတ်နည်းပြချုပ်အဖြစ်လုပ်ကိုင်ဖို့ဆိုတာကလပ်အသင်းတွေမှာနှစ်အတော်ကြာအောင်အလုပ်လုပ်ခဲ့တဲ့ကျွန်တော်တို့ရဲ့နည်းပြအဖွဲ့ဝင်တွေအတွက်အခွင့်အရေးကောင်းဖြစ်ပါတယ်။ကျွန်တော်တို့ဟာကိုယ့်ကိုယ်ကိုယ်စိန်ခေါ်မှုတွေ၊နည်းလမ်းမျိုးစုံနဲ့လုပ်ဆောင်နေရတာတွေအတွက်သိရှိနိုင်ဖို့အခွင့်အလမ်းကောင်းတစ်ခုလို့ထင်ပါတယ်။”
ဆက်လက်ပြီး “ကမ္ဘာ့ဖလားကိုအိမ်ရှင်အဖြစ်လက်ခံကျင်းပရတာဟာအံ့သြစရာကောင်းတဲ့အတွေ့အကြုံတစ်ခုလို့ကျွန်တော်ထင်ပါတယ်။အဲဒီအခါမှာကျွန်တော်တို့ပြောနေတဲ့အမေရိကန်နိုင်ငံအတွက်လည်းအံ့ဩစရာလို့ကျွန်တော်ထင်ပါတယ်။အခုအခိုက်အတန့်မှာကောင်းမွန်တဲ့အရာတွေအများကြီးပေါ်လာပြီးအလုပ်တာဝန်ယူရတဲ့အကြောင်းရင်းတွေထဲကတစ်ခုက
ကမ္ဘာ့ဖလားကျင်းပဖို့အရမ်းနီးကပ်နေတာကြောင့်ပါ။ကမ္ဘာ့ဖလားကစားဖို့လေးနှစ်လောက်မစောင့်ရပဲနှစ်နှစ်လောက်ပဲစောင့်ခဲ့ရတာကြောင့်ပါ။”လို့ပိုချက်တီနိုကဆိုပါတယ်။နောက်ဆုံးမှာတော့ပိုချက်တီနိုက “ ဆုံးဖြတ်ချက်ကကောင်းတယ်လို့ထင်တဲ့အတွက်အရမ်းပဲပျော်ရွှင်နေပါတယ်။နေ့တိုင်းလုပ်စရာတွေမတူကွဲပြားတဲ့စိတ်ခံစားမှုတွေကိုရှာဖွေတွေ့ရှိရတာကအရမ်းပဲစိတ်လှုပ်ရှားဖို့ကောင်းပါတယ်။အရင်တုန်းကအလုပ်နဲ့လုံးဝမတူပါဘူး၊လျှို့ဝှက်ဆန်းကြယ်တဲ့အရာတစ်ခုမို့လို့ဒါကလုံးဝခြားနားတဲ့ကမ္ဘာကြီးမို့လို့ငါတို့ကအဲဒီအခြေအနေကိုတကယ်ပျော်နေကြတယ်လို့ထင်ပါတယ်။”လို့ပြောကြားခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
