ဩဂုတ်လ ၃၁ ရက်နေ့ အထိ နောက်ဆုံး ရရှိထားသမျှ စီးရီးအေ ထိပ်တန်း ကလပ်တွေရဲ့ အပြောင်းအရွှေ့တွေနဲ့ စိတ်ဝင်စားဖွယ် သတင်းတွေကို ဖော်ပြပေးသွားမှာ ဖြစ်ပါတယ်။
ရိုမယ်လူ လူကာကူ ဒဏ်ရာရသွားလို့ တိုက်စစ်မှူး တစ်ဦး လိုအပ်နေတဲ့ နာပိုလီက မန်ချက်စတာယူနိုက်တက်ရဲ့ ဒိန်းမတ် တိုက်စစ်မှူး ရက်စ်မတ်စ် ဟွိုက်ဂျ်လန်းကို တစ်ရာသီ အငှား + အပြီးသတ် ဝယ်ယူခွင့်တို့နဲ့ ခေါ်ယူဖို့ သဘောတူညီမှု ရသွားခဲ့ပြီ ဖြစ်ပါတယ်။ စီးရီးအေ ကလပ်ဟာ ဟွိုက်ဂျ်လန်း အတွက် အငှားခေါ်ယူခ အဖြစ် ယူရို ၆ သန်း ပေးချေရမှာ ဖြစ်ပြီး အငှားသက်တမ်းပြည့်ချိန်မှာ ယူရို ၄၄ သန်းနဲ့ အပြီးသတ်ခေါ်ယူနိုင်မှာ ဖြစ်ပါတယ်။
စီးရီးအေ ကလပ် ဂျူဗင်တပ်စ် ကတော့ မာဆေးလ်နဲ့ အပြောင်းအရွှေ့ ပျက်ပြယ်သွားတဲ့ ရီးရဲလ်မက်ဒရစ် ကွင်းလယ်လူ ဒန်နီ ဆယ်ဘာလော့စ်ကို နောက်ကျ ချဉ်းကပ်မှု ပြုလုပ်ခဲ့ကြောင်း သိရပါတယ်။ ဆယ်ဘာလော့စ်ဟာ ဒီအပြောင်းအရွှေ့ မပိတ်ခင် ဆန်တီယာဂို ဘာနေဗျူး ကနေ စွန့်ခွာဖို့ ဆုံးဖြတ်ထားသူ ဖြစ်ပါတယ်။
ပရီးမီးယားလိဂ် ကလပ် နယူးကာဆယ် ကတော့ တိုက်စစ်မှူး အလက်ဇန္တား အိဆက်ခ်ကို ရောင်းချလို့ ရတဲ့ ငွေနဲ့ ဖာမင်း လိုပက်ဇ်ကို ပြန်လည် ခေါ်ယူချင်နေကြောင်း သိရပါတယ်။ နယူးကာဆယ်ဟာ ဘာစီလိုနာ ကစားသမား လိုပက်ဇ်ကို ယူရို သန်း ၁၀၀ (ပေါင် ၈၆.၄ သန်း) နဲ့ ကမ်းလှမ်းဖို့ ပြင်ဆင်နေပြီး ဒီကစားသမား ကိုတော့ တော့တင်ဟမ်ဟော့စပါး ကလည်း စောင့်ကြည့်နေတယ်လို့ သိရပါတယ်။
မန်ချက်စတာစီးတီး ကတော့ ဗင်နီးစီးယပ်စ် ဂျူနီယာကို လာမယ့် ၂၀၂၆ ခုနှစ် နွေရာသီမှာ “အိပ်မက် ခေါ်ယူမှု” အဖြစ် သတ်မှတ်ထားကြောင်း သိရပါတယ်။ ဒီကစားသမား အတွက် ကိုတော့ ကလပ် စံချိန်တင် ပြောင်းရွှေ့ကြေး ယူရို သန်း ၁၅၀ (ပေါင် ၁၂၉.၆ သန်း)နဲ့ ကမ်းလှမ်းဖို့ ပြင်ဆင်နေကောင်း Fichajesက ဖော်ပြပါတယ်။
နယူးကာဆယ် ကတော့ စပိန် ထိပ်သီး ရီးရဲလ်မက်ဒရစ်က ရောင်းထုတ်ဖို့ ငြင်းဆိုထားတဲ့ အော်ရီလီယန် ချူအာမန်နီကို ယူရို သန်း ၁၀၀ နဲ့ ချဉ်းကပ်ခဲ့ပေမယ့် မအောင်မြင်ခဲ့ဘူးလို့ သိရပါတယ်။
လာလီဂါ ကလပ် ရီးရဲလ်မက်ဒရစ် ကတော့ ပြင်သစ် ဗဟိုခံစစ်ကစားသမား အီဘရာဟီမာ ကိုနာတေးကို ယူရို ၅၅ သန်းနဲ့ လစ်ဗာပူးလ်ထံ ကမ်းလှမ်းဖွယ် ရှိကြောင်း သတင်းတွေ ထွက်ပေါ်နေပါတယ်။ ဒါပေမယ့်လည်း စပိန်ထိပ်သီး တို့ဟာ ကိုနာတေးကို လာမယ့် နွေရာသီ မှာသာ အလွတ် ပြောင်းရွှေ့ကြေးနဲ့ ခေါ်ယူဖို့သာ စဉ်းစားထားကြောင်း သိရပါတယ်။
ဘာစီလိုနာ ကတော့ မိုနာကို နောက်ခံလူ ဗန်ဒါဆန်ကို ခေါ်ယူရန် စဉ်းစားနေပြီး ခံစစ်ပိုင်းကို ပိုမို အားကောင်းလာစေဖို့ ကြိုးပမ်းနေကြောင်း ESPN က ဖော်ပြခဲ့ပါတယ်။
ချဲလ်ဆီး ကတော့ အသင်းရဲ့ တိုက်စစ် ကစားသမား ခရစ္စတိုဖာ အန်ကွန်ကူကို အေစီမီလန် အသင်းထံ ရောင်းချပြီးနောက် ဒီနွေရာသီမှာ ကစားသမား ရောင်းချရမှု ကနေ ပေါင် ၃၀၉ သန်း အထိ ရရှိထားပါတယ်။ ချဲလ်ဆီးဟာ အန်ကွန်ကူကို စီးရီးအေ ကလပ် အေစီမီလန်ထံ ပေါင် ၃၆ သန်းနဲ့ ရောင်းချခဲ့တာ ဖြစ်ပါတယ်။ ချဲလ်ဆီးဟာ ၂၀၂၃ ခုနှစ်မှာ လိုက်ပ်ဇစ် ကနေ အန်ကွန်ကူကို ခေါ်ယူချိန်က ပေါင် ၅၂ သန်း သုံးစွဲခဲ့ရပါတယ်။
ဝက်စ်ဟမ်း ကတော့ ဆောက်သမ်တန်ရဲ့ ပေါ်တူဂီ ကွင်းလယ် ကစားသမား မားတီးယပ်စ် ဖာနန်ဒက်စ်ကို ပေါင် သန်း ၄၀ နဲ့ ခေါ်ယူလိုက်ကြောင်း သိရပါတယ်။ မားတီးယပ်စ် ဖာနန်ဒက်စ်ဟာ ၂၀၂၄ ခုနှစ် နွေရာသီမှာ စပို့တင်းလစ္စဘွန်း ကနေ ဆောက်သမ်တန်ကို ၅ နှစ် စာချုပ်နဲ့ ပြောင်းရွှေ့လာခဲ့သူ ဖြစ်ပြီး အသင်း တန်းဆင်းခဲ့ရတာကြောင့် ဝက်စ်ဟမ်းကို ပြောင်းရွှေ့ခဲ့တာပါ။ ဝက်စ်ဟမ်းဟာ ရာသီအစမှာ ပြိုင်ပွဲစုံ ၃ ပွဲဆက် ရှုံးနိမ့်ထားတာကြောင့် ဆောက်သမ်တန်ရဲ့ အမာခံ ကစားသမား မားတီးယပ်စ် ဖာနန်ဒက်စ်ကို ခေါ်ယူအားဖြည့်ခဲ့ခြင်း ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
