ချဲလ်ဆီး ကိုသာ ပြောင်းရွှေ့ဖို့ ခိုင်မာတဲ့ ဆုံးဖြတ်ချက်ချထားတဲ့ အလက်ဟန်ဒရို ဂါနာချို ကတော့ အခုဆိုရင်တော့ စတန်းဖို့ဒ်ဘရစ်ချ်ကို ပြောင်းရွှေ့ဖို့ အတွက် အလုံးစုံ သဘောတူညီမှု ရရှိသွားခဲ့ပြီ ဖြစ်ကြောင်း သိရပါတယ်။ အာဂျင်တီးနား တောင်ပံ တိုက်စစ် ကြယ်ပွင့် ဂါနာချိုက ဒီနွေရာသီမှာ ပရီးမီးယားလိဂ် ကလပ် မန်ချက်စတာယူနိုက်တက် ကနေ သေချာပေါက် ထွက်ခွာမယ့် ကစားသမား အဖြစ် ရှိနေသူပါ။
သူ့ကို ဥရောပထိပ်တန်း ကလပ် များစွာက ခေါ်ယူဖို့ စောင့်ကြည့်ခဲ့ပြီးတော့ အဲဒီ အထဲမှာ ချဲလ်ဆီးက ထိပ်ဆုံးမှာ ရှိနေခဲ့ပါတယ်။ လက်ရှိ မှာတော့ ချဲလ်ဆီးက အလက်ဟန်ဒရို ဂါနာချို အတွက် ပေါင် သန်း ၄၀ တန် အပြောင်းအရွှေ့ တစ်ရပ်နဲ့ ခေါ်ယူဖို့ နှစ်သင်း အကြား သဘောတူညီမှု ရရှိခဲ့တာ ဖြစ်ပြီး ၇ နှစ် သက်တမ်း ရှိတဲ့ စာချုပ်လည်း ချုပ်ဆိုသွားမယ်လို့ ဖာဘရီဇီယို ရိုမာနိုက အတည်ပြုထားပါတယ်။
ချဲလ်ဆီးဟာ အစောပိုင်းမှာ မန်ချက်စတာယူနိုက်တက်ရဲ့ အလက်ဟန်ဒရို ဂါနာချို အပေါ် တန်ကြေး သတ်မှတ်ချက်ကို ပေးချေဖို့ ဆန္ဒမရှိတာကြောင့် အပြောင်းအရွှေ့က အခက်အခဲတွေ ကြုံခဲ့ရပါသေးတယ်။ ယူနိုက်တက် အာဂျင်တီးနား တောင်ပံ ကစားသမား အတွက် ပေါင် သန်း ၅၀ အလိုရှိခဲ့တာ ဖြစ်ပြီး ဒါဟာ ဇန်နဝါရီလက တောင်းဆိုခဲ့တဲ့ ဈေးနှုန်းထက် လျှော့ချပေးထားတာလည်း ဖြစ်ပါတယ်။ ဒါပေမယ့်လည်း ချဲလ်ဆီး ကတော့ ယူနိုက်တက် လိုချင်တဲ့ ဈေးနှုန်းကို မပေးချေပဲ ပေါင်သန်း ၄၀ အထိ ဈေးစစ်ခဲ့တဲ့တာ ဖြစ်ပါတယ်။
သတင်းတွေရဲ့ ဖော်ပြချက်အရ ဂါနာချို အတွက် ချဲလ်ဆီးရဲ့ အစောပိုင်း တန်ဖိုးဖြတ်မှုက ပေါင် ၂၅ သန်း ကနေ ၃၅ သန်း ကြားမှာသာ ရှိခဲ့တာ ဖြစ်ပါတယ်။ ဒါ့အပြင် ချဲလ်ဆီးက ဂါနာချိုနဲ့ ပုဂ္ဂိုလ်ရေးဆိုင်ရာ သဘောတူညီမှု ရရှိထားပြီး ဖြစ်သလို ကစားသမား ကိုယ်တိုင် ကလည်း တခြား ကလပ်တွေရဲ့ စိတ်ဝင်စားမှုကို ငြင်းပယ်ထားတာကြောင့် ဒီအပြောင်းအရွှေ့ အတွက် ညှိနှိုင်းရာ မှာတော့ ချဲလ်ဆီး ဘက်က အားသာခဲ့တာ ဖြစ်ပါတယ်။ ဒါပေမယ့်လည်း အပြောင်းအရွှေ့ အထမြောက်ရေး အတွက် ချဲလ်ဆီး ဘက်က သူတို့ သတ်မှတ်ထားတဲ့ ကြေးထက် ပေါင် ၅ သန်း တိုးပေးခဲ့ပုံ ရပြီး ယူနိုက်ကတ် ဘက်ကတော့ ၁၀ ထပ် လျှော့ပေးလိုက်တဲ့ သဘော ရှိပါတယ်။
အပြောင်းအရွှေ့ ဈေးကွက် ကတော့ လာမယ့် တနင်္လာနေ့မှာ ပိတ်မှာ ဖြစ်ပြီး ဒီမတိုင်ခင် ပရီးမီးယားလိဂ် ကလပ်က ကစားသမား တော်တော်များများကို ရှင်းထုတ်ချင်နေပါတယ်။ ယူနိုက်တက်ဟာ ဂါနာချိုကို ရောင်းထုတ် အပြီးမှာ တိုက်စစ်မှူး ရက်စ်မက်စ် ဟွိုက်ဂျ်လန်းနဲ့ အန်တိုနီတို့ရဲ့ အပြောင်းအရွှေ့တွေ အတွက် ဆက်လက် လုပ်ဆောင်ရဦးမှာပါ။ လက်ရှိမှာ ဟွိုက်ဂျ်လန်းကို နာပိုလီနဲ့ အန်တိုနီ ကိုတော့ ရီးရဲလ်ဘက်တစ် တို့က ခေါ်ယူချင်နေပါတယ်။ ဒါပေမယ့် ဂျေဒန် ဆန်ချိုနဲ့ တိုင်ရဲလ် မာလာစီယာ တို့ကိုတော့ ခေါ်ယူချင်တဲ့ အသင်း ရှားပါးနေတာကြောင့် ယူနိုက်တက်တို့ အခက်တွေ့နေရပါတယ်။
လက်ရှိမှာလည်း မန်ချက်စတာယူနိုက်တက်က ရာသီအဖွင့် ၃ ပွဲဆက် နိုင်ပွဲ လုံးဝမ ရသေးပါဘူး။ ယူနိုက်တက်ဟာ ပရီးမီးယားလိဂ် ၂ ပွဲဆက် နိုင်ပွဲ ပျောက်ဆုံးခဲ့သလို ခရာဘောင်ဖလား မှာလည်း ဂရင်းမ်စဘီတောင်းကို ရှုံးနိမ့်ပြီး ပြိုင်ပွဲ ကနေ ထွက်ခွာထားခဲ့ရပါတယ်။ ဒီလို ရလဒ်တွေ ဆိုးရွားနေတာကြောင့် နည်းပြ ဖြစ်သူ ရူဘင် အမော်ရင် အနေနဲ့လည်း ရာထူး ကနေ ထုတ်ပယ်ခံရဖို့ နီးလာပြီး လာမယ့် ပွဲစဉ်တွေရဲ့ ရလဒ် အပေါ် မူတည်ပြီး ယူနိုက်တက်မှာ အပြောင်းအလဲတွေ ထပ်ပြီး မြင်တွေ့ရဖို့ ရှိနေပြီ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
