အခုတစ်ခါမှာတော့ နိုဝင်ဘာလ ၁၄ ရက်နေ့ အတွက် ရရှိထားသမျှ ပရီးမီးယားလိဂ်ရဲ့ စိတ်ဝင်စားစရာ သတင်းတွေကို ဖော်ပြပေးသွားမှာ ဖြစ်ပါတယ်။
မန်ချက်စတာယူနိုက်တက် ကနေ ဘာစီလိုနာကို အငှားနဲ့ သွားရောက် ကစားနေရတဲ့ မားကပ်စ် ရက်ရှ်ဖို့ဒ်က သူ့ရဲ့ အနာဂတ် အတွက် ကြိုတင် ပြင်ဆင်မှု တစ်ခုကို လုပ်ဆောင်ခဲ့ကြောင်း သိရပါတယ်။ ကတ်တာလန် ကလပ်မှာ ဆက်နေဖို့က ရက်ရှ်ဖို့ဒ်ရဲ့ ဦးစားပေး ဖြစ်ပေမယ့်လည်း သူ့ အနေနဲ့ ပရီးမီးယားလိဂ်ကို အံ့အားဖွယ် ပြန်လာဖွယ် ရှိနေကြောင်းလည်း သိရပါတယ်။ ရက်ရှ်ဖို့ဒ်ဟာ ချဲလ်ဆီးနဲ့ တော့တင်ဟမ်ဟော့စပါး တို့ရဲ့ ချဉ်းကပ်မှုတွေကို စဉ်းစားနေကြောင်း El Nacional က ဖော်ပြပါတယ်။
လစ်ဗာပူးလ် ကတော့ ခရစ္စတယ်ပဲလေ့စ်က မာ့ခ် ဂူဟီကို ခေါ်ယူဖို့ ရန်ပုံငွေ ရှာဖွေရန် အတွက် အီဘရာဟီမာ ကိုနာတေးကို ရောင်းချဖို့ ဆန္ဒရှိနေကြောင်း သိရပါတယ်။ ပရီးမီးယားလိဂ် ချန်ပီယံ တို့ဟာ လာမယ့် ဇန်နဝါရီမှာ ဒီအပြောင်းအရွှေ့ အတွက် ကြိုတင် ပြင်ဆင်မှု တစ်ခု ပြုလုပ်ဖို့ ပြင်ဆင်နေတယ်လို့ သိရပါတယ်။
မန်ချက်စတာယူနိုက်တက် တာဝန်ရှိသူတွေ ကတော့ ဇန်နဝါရီလ အပြောင်းအရွှေ့ အတွက် အသုံးစရိတ် ပေါင် ၁၁၀ သန်း (ဒေါ်လာ ၁၄၅.၃ သန်း) ထုတ်ပေးဖို့ ရှိနေပါတယ်။ ယူနိုက်တက်ဟာ ကွင်းလယ်ပိုင်းကို အဓိက အားဖြည့်လိုနေပြီး တိုက်စစ်ပိုင်း လိုအပ်ချက် အတွက်လည်း ဖြည့်တင်းဖို့ ကြိုးစားသွားမှာ ဖြစ်ပါတယ်။
ရီးရဲလ်မက်ဒရစ် ကတော့ လစ်ဗာပူးလ်မှာ ခြေစွမ်းပြသနိုင်ခြင်း မရှိတဲ့ ဖလော်ရီယန် ဝစ်ဇ် ကိုတော့ ယူရို ၇၅ သန်း (ပေါင် ၆၆.၂ သန်း၊ ဒေါ်လာ ၈၆.၉ သန်း) အထိ အမြင့်ဆုံး ကမ်းလှမ်းချက်နဲ့ ခေါ်ယူဖို့ ကြိုးပမ်းသွားဖွယ် ရှိနေကြောင်း DefensaCentral က ဖော်ပြပါတယ်။
ပရီးမီးယားလိဂ် ကလပ် မန်ချက်စတာယူနိုက်တက် ကတော့ ဒေါ့မန် ဗဟိုနောက်ခံလူ နီကို ရှလော့တ်တာဘက်ခ်ကို လစ်ဗာပူးလ်၊ ဘာစီလိုနာ တို့နဲ့ အပြိုင် ခေါ်ယူဖို့ ကြိုးပမ်းနေကြောင်း သိရပါတယ်။
ဟာဗေး အဲလီယော့တ် ကတော့ အက်စတွန်ဗီလာမှာ ဆက်လက် ရုန်းကန်နေရပေမယ့်လည်း လစ်ဗာပူးလ် ကတော့ အင်္ဂလန် ယူ ၂၁ လက်ရွေးစင်ကို ရာသီကုန် အငှား စာချုပ် ကုန်ဆုံးချိန်မှာ ပြန်လည် ခေါ်ယူဖို့ မမျှော်လင့်ထားကြောင်း The Athletic က ဖော်ပြပါတယ်။
မန်ချက်စတာယူနိုက်တက်၊ မန်ချက်စတာစီးတီးနဲ့ ဂျူဗင်တပ်စ် တို့ကတော့ မော်တန် ဂျူးလ်မန်း အတွက် အလားအလာ ရှိတဲ့ ကြိုးပမ်းမှုတွေကို ရပ်ဆိုင်းဖို့ ဆုံးဖြတ်ခဲ့ကြောင်း သိရပါတယ်။ ဒိန်းမတ် ကွင်းလယ်လူ ကိုတော့ ဒီနွေရာသီမှာ စာချုပ်ဖျက်သိမ်းကြေး ယူရို ၈၀ သန်း (ပေါင် ၇၀.၆ သန်း၊ ဒေါ်လာ ၉၂.၇ သန်း) နဲ့ ခေါ်ယူနိုင်မှာ ဖြစ်ကြောင်း A Bola က ဖော်ပြပါတယ်။
အာဖရိက ထိပ်သီး အသင်း ကင်မရွန်း ကတော့ ၂၀၂၆ ကမ္ဘာ့ဖလား ခြေစစ်ပွဲ မအောင်မြင်ခဲ့ဘဲ DR ကွန်ဂိုနဲ့ ပွဲအပြီးမှာ ဘရိုင်ယန် အမ်ဘူမို ကတော့ ကွင်းထဲ ကနေ စိတ်ပျက်လက်ပျက်နဲ့ ထွက်သွားခဲ့ပါတယ်။ ကင်မရွန်းဟာ အာဖရိကဇုန်၊ ခြေစစ်ပွဲ အုပ်စုတွင်းမှာ ၁၀ ပွဲကစား၊ ရမှတ် ၁၉ မှတ်နဲ့ ထိပ်ဆုံး ကနေ တိုက်ရိုက် ခြေစစ်ပွဲအောင်သွားတဲ့ ကိပ် ဗာဒီရဲ့ အနောက် ဒုတိယနေရာသာ ရခဲ့တာကြောင့် Play off အဆင့် ဆီမီးဖိုင်နယ် အဖြစ် DR ကွန်ဂိုနဲ့ ရင်ဆိုင်ခဲ့ရပါတယ်။ ကင်မရွန်းဟာ နိုင်ပွဲ ရဖို့ ရေပန်းစားခဲ့ပေမယ့်လည်း နာကျင် အချိန်ပို ၉၂ မိနစ်မှာ DR ကွန်ဂို နောက်ခံလူ အမ်ဘမ်ဘာက အသည်းခွဲဂိုး သွင်းယူခဲ့တာကြောင့် ကင်မရွန်းတို့ ၂၀၂၆ ကမ္ဘာ့ဖလား ပြိုင်ပွဲမှာ ပါဝင် ယှဉ်ပြိုင်ခွင့်ရရေး မျှော်လင့်ချက် အဆုံးသတ်ခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
