ချဲလ်ဆီး ကတော့ ပရီးမီးယားလိဂ် ပြိုင်ဘက် မန်ချက်စတာယူနိုက်တက် တောင်ပံ ကစားသမား အလက်ဟန်ဒရို ဂါနာချိုကို ခေါ်ယူနိုင်ခဲ့ပြီ ဖြစ်ကြောင်း မနေ့က တရားဝင် ကြေညာသွားခဲ့ပါတယ်။
ဂါနာချိုဟာ လန်ဒန် ကလပ်ဆီ ပြောင်းရွှေ့ကြေး ပေါင် သန်း ၄၀ + Sell on Clause ၁၀ ရာခိုင်နှုန်းနဲ့ တရားဝင် ခေါ်ယူခဲ့ပြီး ၇ နှစ် စာချုပ်ချုပ်ဆိုခဲ့တာ ဖြစ်ပါတယ်။ ဒါကြောင့် အသက် ၂၁ နှစ်သာ ရှိသေးတဲ့ ဂါနာချိုဟာ စတန်းဖို့ဒ်ဘရစ်ချ်မှာ ၂၀၃၂ ခုနှစ် အထိ ရှိနေတော့မှာ ဖြစ်ပါတယ်။
ဂါနာချိုဟာ ချဲလ်ဆီးက ဖူလ်ဟမ်ကို ၂-၀ ရလဒ်နဲ့ အနိုင်ရခဲ့တဲ့ ပရီးမီးယားလိဂ် ပွဲကို စတန်းဖို့ဒ်ဘရစ်ချ်ကွင်း အတွင်း လာရောက် ကြည့်ရှုခဲ့ပါတယ်။ အဲဒီနောက် ချဲလ်ဆီးက ဂါနာချိုကို သူရဲ့ Iconic အောင်ပွဲခံဟန်နဲ့ ကစားသမားသစ် အဖြစ် တရားဝင် ကြေညာသွားခဲ့ပါတယ်။ ဂါနာချိုဟာ ဒီနွေရာသီမှာ ဘေယန်မြူးနစ်လို ထိပ်သီး အသင်းကြီး တစ်သင်းရဲ့ ကမ်းလှမ်းမှုကိုပါ ငြင်းဆန် ပယ်ချခဲ့ကာ ချဲလ်ဆီး ကိုပဲ ပြောင်းရွှေ့ဖို့ စိတ်အားထက်သန်ခဲ့သူ ဖြစ်ပါတယ်။
ဂါနာချိုက အသင်းသစ်နဲ့ ပထမဦးဆုံး အင်တာဗျူးမှာ ချဲလ်ဆီးက ကမ္ဘာ့အကောင်းဆုံး အသင်း ဖြစ်ကြောင်း ချီးကျူးခဲ့ပါတယ်။ ဂါနာချိုက “ကျွန်တော်နဲ့ မိသားစု အတွက် မယုံနိုင်စရာကောင်းတဲ့ အခိုက်အတန့်ပါပဲ။ ကြီးကျယ် ခမ်းနားတဲ့ ကလပ်ကို ကျွန်တော် ပြောင်းရွှေ့ခွင့် ရခဲ့တာပါ။ အသင်းနဲ့ စတင် ကစားခွင့် ရဖို့ မစောင့်နိုင်တော့ပါဘူး။ ကလပ် ကမ္ဘာ့ဖလားပြိုင်ပွဲကို ကျွန်တော် စောင့်ကြည့်ခဲ့ပြီး ဒီအသင်းနဲ့ ပူးပေါင်းခွင့်ရတာ တကယ်ပဲ ကောင်းပါတယ်။ ကျွန်တော် တို့ဟာ ကမ္ဘာ့အကောင်းဆုံး အသင်းပါ။” လို့ ပြောကြားခဲ့ပါတယ်။
ဂါနာချို ကတော့ ဒီနွေရာသီမှာ ပရီးမီးယားလိဂ် ကလပ် ချဲလ်ဆီးရဲ့ ၉ ဦးမြောက် ကစားသမားသစ် ခေါ်ယူမှု ဖြစ်ခဲ့ပြီး တိုက်စစ်ပိုင်း အတွက်တော့ ကစားသမား ၅ ဦး အထိ ရှိလာခဲ့ပြီ ဖြစ်ပါတယ်။ အာဂျင်တီးနားသားဟာ ချဲလ်ဆီး နည်းပြ အန်ဇို မာရက်စကာ အတွက် အရေးကြီးတဲ့ ခေါ်ယူမှု ဖြစ်လာနိုင်ကြောင်း သုံးသပ်မှုတွေ ရှိနေပါတယ်။ အီတလီသား အနေနဲ့ ဘယ်တောင်ပံမှာ ပက်ဒရို နီတို အပြင် ဒီနွေရာသီ အစောပိုင်းမှာ ခေါ်ယူထားတဲ့ ဂျေမီ ဘိုင်နို ဂစ်တန်စ်နဲ့ ပွဲထွက်ခွင့် အတွက် အဓိက ယှဉ်ပြိုင်ရဖွယ်တော့ ရှိနေပါတယ်။ လက်ရှိမှာ ချဲလ်ဆီးရဲ့ ဘယ်တောင်ပံမှာ ရာဟင်းမ် စတာလင်၊ ပက်ဒရို နီတို၊ မီခိုင်လို မူဒရစ်ခ်၊ ဂျေမီ ဂစ်တန်စ်၊ တိုင်ရစ်ခ် ဂျော့ဂျ်တို့ ရှိနေပါတယ်။ ဒီထဲ ကမှ ချဲလ်ဆီးက စတာလင်နဲ့ တိုင်ရစ်ခ် ဂျော့ဂျ် တို့ကို ရောင်းထုတ်ဖို့ စီစဉ်နေပါတယ်။
လက်တလောမှာ အန်ဇို မာရက်စ်ကာ ဘယ်တောင်ပံ နေရာမှာ ပက်ဒရို နီတိုကို အသုံးများနေပြီးတော့ ဂစ်တန်စ် ကတော့ အရန်ကစားသမား အဖြစ် ပွဲထွက်နေရတာ ဖြစ်ပါတယ်။ ဒါကြောင့် ဂါနာချို ရောက်ရှိလာချိန်မှာတော့ ချဲလ်ဆီးရဲ့ ဘယ်တောင်ပံက ပိုမို တောင့်တင်းသွားဖို့ ရှိနေသလို ကစားသမား ၃ ဦး အကြားမှာ ပွဲထွက်ခွင့် အတွက် ပြိုင်ဆိုင်မှုတွေ ပိုမို ပြင်းထန်လာတော့မှာလည်း ဖြစ်ပါတယ်။
ဆက်စပ် သတင်းတွေအရ ဆိုရင်တော့ ချဲလ်ဆီးဟာ မနေ့က ပွဲမှာ တိုက်စစ်မှူး လီယမ် ဒီလက်ပ်ကို တံကောက်ကြော ဒဏ်ရာကြောင့် ကာလရှည်ကြာ လက်လွှတ်ရဖွယ် ရှိနေပြီးနောက် ဘေယန်မြူးနစ်နဲ့ အပြောင်းအရွှေ့ အတွက် မြူးနစ်ကို ရောက်ရှိနေတဲ့ နီကိုးလက်စ် ဂျက်ဆန်ကို အသင်းထံ ပြန်လာဖို့ ညွှန်ကြားထားတယ်လို့ သိရပါတယ်။ ဂျက်ဆန် ကတော့ လန်ဒန်ကို ပြန်သွားလိုခြင်း မရှိတာကြောင့် လက်တလော မှာတော့ အခြေအနေတွေက ရှုပ်ထွေးလျက် ရှိနေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
