ဩဂုတ်လ ၂၉ ရက်နေ့ အတွက် ရရှိထားသမျှ စိတ်ဝင်စားစရာ လာလီဂါ ထိပ်တန်း ကလပ်တွေရဲ့ အပြောင်းအရွှေ့ သတင်းတွေကို ဖော်ပြပေးသွားမှာ ဖြစ်ပါတယ်။
ချဲလ်ဆီး ကတော့ လာလီဂါ ကလပ် ဘာစီလိုနာရဲ့ ကွင်းလယ် ကစားသမား ဖာမင်း လိုပက်ဇ်ကို ယူရို ၆၅ သန်း (ပေါင် ၅၆.၁ သန်း) နဲ့ ကမ်းလှမ်းဖို့ ပြင်ဆင်နေတယ်လို့ သိရပါတယ်။ ချဲလ်ဆီးဟာ အစောပိုင်းမှာ ဇာဗီ ဆိုင်မွန်စ်ကို ခေါ်ယူဖို့ ကြိုးပမ်းခဲ့ပေမယ့် လက်ရှိမှာတော့ ဖာမင်း လိုပက်ဇ် ဘက်ကို မျှားဦးလှည့်သွားခဲ့တာ ဖြစ်ပါတယ်။
ရီးရဲလ်မက်ဒရစ် ကတော့ ဗင်နီးစီးယပ်စ်ကို သင့်လျော်တဲ့ စာချုပ်သစ် တစ်ရပ်နဲ့ သက်တမ်းတိုးဖို့ အကြိမ်ကြိမ် ကြိုးပမ်းခဲ့ပေမယ့် အဆင်မပြေခဲ့တာကြောင့် လာမယ့် ၂၀၂၇ ခုနှစ်မှာ အလွတ်ပြောင်းရွှေ့ကြေးနဲ့ လက်လွှတ်ရဖွယ် ရှိနေပြီ ဖြစ်ပါတယ်။
ဖီနာဘာချီ ကတော့ ရီးရဲလ်မက်ဒရစ်မှာ အရည်အသွေး ပြည့်ဝပေမယ့် ပုံမှန် ပွဲထွက်ခွင့်မရတဲ့ အရန် ဂိုးသမား အန်ဒရီ လူနင်ကို ခေါ်ယူဖို့ စီစဉ်နေကြောင်း သိရပါတယ်။
ရီးရဲလ်မက်ဒရစ်ဟာ အေဇက် အဲလ်ခမာ ကစားသမား ကီးစ် စမစ်ကို ယူရို သန်း ၄၀ နဲ့ ကမ်းလှမ်းသွားဖို့ ရှိနေပါတယ်။
အေစီမီလန် ကတော့ လာလီဂါ ကလပ် ဘာစီလိုနာ နောက်ခံလူ အန်ဒရီယာ ခရစ္စတန်ဆန်ကို ယူရို သန်း ၃၀ (ဒေါ်လာ ၃၄.၉ သန်း) နဲ့ ကမ်းလှမ်းဖို့ အဆင်သင့် ဖြစ်နေကြောင်း သိရပါတယ်။ ခရစ္စတန်ဆန် ကလည်း ချဲလ်ဆီး ကစားသမားဟောင်း ဖြစ်နေတာကြောင့် အေစီမီလန် အနေနဲ့ ချဲလ်ဆီး ဒုတိယအသင်း ဆိုပြီး စနောက်ခံနေရတာ မထူးတော့ မထူးဆန်းပါဘူး။
ချဲလ်ဆီးမှ ချဲလ်ဆီးပဲ ဖြစ်နေတဲ့ အလက်ဟန်ဒရို ဂါနာချို ကတော့ ချဲလ်ဆီးကို ပြောင်းရွှေ့ဖို့ အတွက် အလုံးစုံ သဘောတူညီမှု ရရှိသွားခဲ့ပြီ ဖြစ်ပါတယ်။ ချဲလ်ဆီးက မန်ချက်စတာယူနိုက်တက်ရဲ့ အာဂျင်တီးနား တောင်ပံကစားသမားလေး ဂါနာချို အတွက် ပေါင် သန်း ၄၀ တန် package တစ်ရပ်နဲ့ ခေါ်ယူဖို့ ကလပ် နှစ်ခု အကြား သဘောတူညီမှု ရရှိခဲ့တာ ဖြစ်ပြီး ဂါနာချို ကိုတော့ ၇ နှစ် စာချုပ် ချုပ်ဆိုသွားဖို့ ရှိနေပါတယ်။
ဒီနွေရာသီမှာ တိုက်စစ် ကစားသမားတွေ ပစ်မှတ်ထားပြီး မခေါ်ယူနိုင်သေးတဲ့ နယူးကာဆယ် ကတော့ စတုဂတ်ရဲ့ ဂျာမနီ တိုက်စစ် ကြယ်ပွင့် နစ်ခ် ဝေါလ်တီမိတ်ဒ်ကို ပြောင်းရွှေ့ကြေး ယူရို သန်း ၈၀ + အပိုဆုကြေးတွေနဲ့ ခေါ်ယူဖို့ သဘောတူညီမှု ရရှိခဲ့ပြီ ဖြစ်ပါတယ်။
ဒေါ့မန် ကတော့ ဝုဗ်ရဲ့ ပေါ်တူဂီ တိုက်စစ် ကစားသမား ဖာဘီယို ဆေးလ်ဗားကို ယူရို ၂၅ သန်းတန် package နဲ့ ခေါ်ယူသွားဖို့ အတွက် သဘောတူညီမှု ရရှိသွားခဲ့ပြီ ဖြစ်ပါတယ်။ အသက် ၂၃ နှစ် အရွယ်သာ ရှိသေးတဲ့ ကစားသမားဟာ ၂၀၂၀ ခုနှစ် ကတည်းက ဝုဗ်ကို ရောက်ရှိခဲ့ပေမယ့် အန်ဒါလက်ချ်၊ ပီအက်စ်ဗွီ၊ ရိန်းဂျားစ်နဲ့ လက်စ်ပါးလ်မက်စ် အသင်းတွေဆီ အငှားထွက် ကစားခဲ့ရသူ ဖြစ်ပါတယ်။
စပါး ကတော့ လိုက်ပ်ဇစ်က နယ်သာလန် တိုက်စစ် ကစားသမား ဇာဗီ ဆိုင်မွန်စ်ကို ခေါ်ယူဖို့ ယူရို သန်း ၆၀ နဲ့ သဘောတူညီမှု ရရှိခဲ့ပြီ ဖြစ်ကြောင်း သိရပါတယ်။ အသက် ၂၂ နှစ် အရွယ် ဇာဗီ ဆိုင်မွန်စ် ကတော့ လိုက်ပ်ဇစ်နဲ့ ၂၀၂၇ ခုနှစ် အထိ စာချုပ် သက်တမ်း ကျန်ရှိနေသူ ဖြစ်ပြီး ဒီနွေမှာ အသင်းပြောင်းတော့မယ်လို့ အစောပိုင်းကတည်းက သတင်းတွေ ထွက်နေခဲ့သူပါ။ ဇာဗီ ဆိုင်မွန်စ်ကို ချဲလ်ဆီးက ဇူလိုင်လကတည်းက ကြိုးပမ်းနေခဲ့ပြီး ကစားသမားနဲ့ ပုဂ္ဂိုလ်ရေး အရ သဘောတူညီမှု ရရှိခဲ့ပြီလို့ သတင်းထွက်ခဲ့ပေမဲ့ လက်ရှိအချိန်မှာ စပါးနဲ့ လိုက်ပ်ဇစ်တို့ သဘောတူညီမှု ရရှိသွားပြီ ဖြစ်ကြောင်း ဖာဘရီဇီယို ရိုမာနိုက ဖော်ပြခဲ့ပါတယ်။
အက်တလက်တီကိုမက်ဒရစ် ကွင်းလယ် ကစားသမား ကော်နာ ဂယ်လာဟာ ကိုတော့ မန်ချက်စတာယူနိုက်တက်က စိတ်ဝင်စားနေကြောင်း သိရပါတယ်။ ဒီကစားသမား ကိုတော့ နယူးကာဆယ်၊ အဲဗာတန်၊ ဝက်စ်ဟမ်းယူနိုက်တက်နဲ့ ခရစ္စတယ်ပဲလေ့စ် တို့က စောင့်ကြည့်လျက် ရှိနေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
