ဘွန်ဒက်စ်လီဂါ ကလပ် ဘေယန်မြူးနစ် တိုက်စစ်မှူး ဟယ်ရီကိန်း ကတော့ ဘောလုံး သမိုင်းတစ်လျှောက် အကောင်းဆုံး တိုက်စစ်မှူး ၄ ဦးကို ရွေးချယ်ပေးသွားခဲ့ပါတယ်။ အင်္ဂလန် အသင်းခေါင်းဆောင် တိုက်စစ်မှူးဟာ သူ့အပေါ်မှာ အလွှမ်းမိုးနိုင်ဆုံး တိုက်စစ်မှူး ၄ ဦး အဖြစ် ဘရာဇီးလ် တိုက်စစ်မှူး ရော်နယ်ဒို နဇာရီယို၊ စပိန် တိုက်စစ်မှူး ရာအူးလ်၊ အင်္ဂလန် တိုက်စစ်မှူး ဝိန်း ရွန်နီနဲ့ တက်ဒီ ရှရင်ဂမ်တို့ ဖြစ်ကြောင်း ပြောကြားခဲ့တာ ဖြစ်ပါတယ်။
ဟယ်ရီကိန်းဟာ လက်ရှိအချိန်မှာ ကမ္ဘာ့အကောင်းဆုံး တိုက်စစ်မှူးတွေ ထဲက တစ်ဦး အဖြစ် သတ်မှတ်ခံထားရသူ ဖြစ်ပြီး လတ်တလောမှာလည်း ဂိုးတွေ ဆက်တိုက် သွင်းယူနေသူ ဖြစ်ပါတယ်။ ဟယ်ရီကိန်းဟာ လေတန်၊ မီဝေါလ်၊ နော့ဝှစ်ချ်စီးတီး၊ လက်စတာစီးတီး တို့လို အင်္ဂလန် ကလပ်ငယ်တွေမှာ ကစားသမားဘဝ ဖြတ်သန်းခဲ့သူ ဖြစ်ပြီး စပါး မှာတော့ အအောင်မြင်ဆုံး ဖြစ်ခဲ့ပါတယ်။ ကိန်းဟာ တော့တင်ဟမ်ဟော့စပါးမှာ ပွဲပေါင်း ၄၂၈ ပွဲ ကစားပြီး ၂၇၉ ဂိုး အထိ သွင်းယူနိုင်ခဲ့ပါတယ်။ ဒါ့အပြင် ကိန်းက ဘွန်ဒက်စ်လီဂါ ကလပ်ကို ပြောင်းရွှေ့ ကစားချိန်မှာလည်း ပွဲပေါင်း ၁၀၈ ပွဲ ကစားပြီး ၁၀၅ ဂိုး သွင်းယူထားပါတယ်။
ဒါ့အပြင် ဟယ်ရီကိန်းဟာ ဒီရာသီမှာ ဆိုရင် ပြိုင်ပွဲစုံ ၁၇ ပွဲသာ ကစားရသေးပေမယ့် ၂၃ ဂိုးအထိ သွင်းယူထားပြီး ဖြစ်ပါတယ်။ ဒီအချိန် Goal.com နဲ့ အင်တာဗျူးမှာ ဟယ်ရီကိန်းက သူ့အပေါ် လွှမ်းမိုးမှု ရှိခဲ့တဲ့ တိုက်စစ်မှူးတွေက ဘယ်သူတွေလဲ ဆိုတာ ရွေးချယ်သွားခဲ့တာ ဖြစ်ပါတယ်။
ကိန်းက “ကျွန်တော့် အတွက် ကတော့ ဘရာဇီးလ် တိုက်စစ်မှူး ရော်နယ်ဒိုပါ။ ၀ိန်း ရွန်နီ ကလည်း ထာဝရ အကောင်းဆုံး တိုက်စစ်မှူးတွေထဲက တစ်ယောက်ပါ။ ရာအူးလ် ကိုတော့ ရီးရဲလ်မက်ဒရစ်မှာ ကျွန်တော် စောင့်ကြည့်ခဲ့ရပါတယ်။ သူက တကယ်တော်တဲ့ အဆုံးသတ်သမားပါ။ တက်ဒီ ရှရင်ဂမ် ကတော့ သူနဲ့ အတူ ကျွန်တော် ကြီးပြင်းခဲ့တာပါ။ သူက အရမ်းပါးနပ် ထက်မြက်သူ ဖြစ်ပြီး လူငယ်ကစားသမား ဘဝမှာ သူ့ဆီကနေ အများကြီး သင်ယူခဲ့ရပါတယ်။” လို့ ဟယ်ရီကိန်းက ပြောကြားခဲ့ပါတယ်။ ဒါပေမယ့်လည်း ဟယ်ရီကိန်းက သူ့ရဲ့ ငယ်ဘဝ စံပြကစားသမား ကတော့ ဒေးဗစ် ဘက်ခမ်း ဖြစ်ကြောင်းလည်း ပြောကြားခဲ့ပါတယ်။
တစ်ဖက်မှာလည်း ဟယ်ရီကိန်းက လာမယ့် ၂၀၂၆ မှာ စာချုပ်ဖျက်သိမ်းကြေး ၆၅ သန်းနဲ့ အသင်း ပြောင်းရွှေ့ဖွယ် ရှိကြောင်း သတင်းတွေ ထွက်ပေါ်နေပါတယ်။ ကိန်းဟာ ပရီးမီးယားလိဂ်ရဲ့ သွင်းဂိုး အများဆုံး ကစားသမား ဖြစ်ဖို့ ရည်မှန်းထားကြောင်း ကောလာဟလတွေ ထွက်ပေါ်နေတာ ဖြစ်ပါတယ်။ ဒါပေမယ့်လည်း ကိန်းက ဘေယန်မြူးနစ်မှာ ဆက်ရှိနေပြီး အောင်မြင်မှု များစွာ ဆက်လက် သိမ်းပိုက်နိုင်ဖို့ မျှော်လင့်ထားကြောင်း ထုတ်ဖော် ပြောကြားထားပါတယ်။
ကိန်းရဲ့ ဘေယန်မြူးနစ် ကတော့ ဒီရာသီ ပြိုင်ပွဲစုံမှာ ရာနှုန်းပြည့် နိုင်ပွဲ ရရှိထားပြီးတော့ ဆုဖလားတွေ အတွက် အကောင်းဆုံး ပုံစံ တစ်ခုနဲ့ ရှေ့ဆက်နေတာ ဖြစ်ပါတယ်။ ဒါ့အပြင် ဘေယန်က ရာသီအစပဲ ရှိသေးပေမယ့် ဘွန်ဒက်စ်လီဂါ အမှတ်ပေးဇယား ထိပ်ကနေ ၅ မှတ်ဖြတ် ဦးဆောင်ထားပါတယ်။ ဘေယန်က ဒီကနေ့ည မှာတော့ ဘွန်ဒက်စ်လီဂါ ပွဲစဉ် ၈ အဖြစ် ဝါဒါဘရီမင်နဲ့ ကစားရမှာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
